Iniesta: Neymar më afër Realit, do befasohesha nëse…

Andres Iniesta ka befasuar me deklaratën e tij të fundit lidhur me yllin brazilian Neymar. Ai është shprehur se e sheh më reale mundësinë që ai të transferohet në Beranbeu se të ndodhte një rikthim tek Barcelona. Neymar u largua nga katalanasit gjatë merkatos së verës drejt PSG-së, për një shifër rekord prej 222 milionë euro.

Kohët e fundit emri i tij është mjaft i lidhur me një rikthim të mundshëm në kampionatin spanjoll, por më i përfoluri është Real Madridi edhe pse së fundmi janë kthyer zërat se mund të rikthehet tek Barcelona. Është kapiteni i katalanasve është i kësaj ideje, Andres Iniesta është shprehur: “Është e vështirë për një lojtar të kthehej në një klub të mëparshëm”, ka thënë fillimisht për El Larguero.

“Do të befasohesha më shumë nëse do të kthehej këtu se sa të bashkohej me Real Madridin, por do të duhet të shohim se çfarë do të ndodhë në të ardhmen. E ardhmja e tij nuk është diçka për të cilën po mendoj, nuk ka të bëjë me respektin, por thjesht nuk mendoj për këtë. Kushdo që do ta nënshkruante do të kishte një nga lojtarët më të mirë në botë, por skuadra jonë është fantastike dhe ne kemi lojtarë më të mirë se të tjerët”, përfundoi ylli spanjoll.