Kapiteni i Barcelonës, Andres Iniesta, zbuloi se nuk ka dashur ta lërë qytetin e tij për t’u bashkuar me gjigantët spanjollë si një fëmijë. Iniesta (32 vjeç) ishte 12 vjeç kur e çrrënjosi veten nga Fuentealbilla në Albacete për t’u vendosur në Barcelonë, pasi duke bërë udhëtime me familjen e tij, arriti të takohet me zyrtarët e klubit katalanas.
Duke reflektuar në karrierën e tij të hershme, Iniesta tha se kishte nevojë për t’u bindur, në mënyrë që të linte pas familjen e tij në një moshë të tillë të re. Joan Martinez Vilaseca, skaut i Barcelonës ka zbuluar gjithçka se si Andres Iniesta u transferua në ‘Camp Nou’. Njëri nga mesfushorët më të mirë të gjitha kohërave, karrierën e nisi tek të rinjtë e Albacetes në vitin 1994, derisa në vitin 1996 skautët e Barcelonës e sollën atë në ‘La Masia’.
“Reagimi i parë ishte se nuk dua të vij, sepse isha shumë i lidhur me familjen time, ndaj nuk mund të shkoja në një vend kaq larg pa të, – ka thënë Iniesta për “Bein Sports”. – Me kalimin e javëve dhe të folurit me babanë tim më bënë që ta shoh këtë mundësi si një sfidë. Te babai im kisha shumë besim, ndaj kur sugjeronte ai, gjërat bëheshin më të lehta. Pas kalimit në Barcelonë, ishin muajt më të këqij të jetës sime, si një person mjaft i ri, por me ndihmën e të gjithëve, nga dita në ditë, gjithçka u bë shumë më e mirë.”
Sikur të mos ishte për një udhëtim në një park ujor, Andres Iniesta kurrë nuk mund të kishte nënshkruar për Barcelonën. Janë bërë më shumë se 20 vjet kur familja e Iniestas doli për një udhëtim në ‘Port Aventura World’ e ku më pas mesfushori spanjoll nënshkroi për Barcelonën.
“Ne e zbuluam atë gjatë një turneu të Brunete, Albert Benaiges ishte trajner i të rinjve në atë kohë dhe ishte i informuar për Iniestan, dhe ne u bëmë gati për ta përcjellë atë nga afër,” ka thënë Vilaseca, skaut i klubit katalunas.
Ai kishte teknikë të mrekullueshme, dhe kishte një vizion të jashtëzakonshëm. Nuk ishte e lehtë ta sillnim atë te Barcelona, klubi u takua me Alabaceten në finale e të rinjve të Copa del Rey dhe ne shkuam të takoheshim me familjen e tij pas ndeshjes.
Babai i tij na tha se ai ishte shumë i ri edhe unë e kuptoja, por i thashë që një lojtar i mirë si ky herët apo vonë do të ketë oferta dhe ne gjithmonë do të jemi të interesuar për të. Ne ishim klubi i parë që shfaqëm interes për të, ne ftuam Andres dhe familjen e tij në ‘La Masia’ nëse ata ndonjëherë do të vinin në Barcelonë.
Pas disa javësh babai i tij na telefonoi dhe na tha që do të vijnë të vizitojnë parkun ujor ‘Port Aventura World’ dhe më pas ne i ftuam ata që ta vizitonin ‘La Masian’. Ne patëm një drekë në ‘La Masia’ dhe atyre u pëlqeu shumë kjo, ne ishim e vetmja akademi me rezidencë atë kohë, babai i Iniestas na telefonoi përsëri pas disa ditësh dhe ata pranuan ofertën tonë,” përfundoi Vilasece.
