Infantino: Kampionati Botëror pa Italinë është tragjedi

Italia pas shumë vitesh nuk do të marrë pjesë në një kampionat Botërorë. Mediat italiane dhe njerëzit e sportit pas eliminimit nga Suedia në fazën play-off e drejtuan të gjithë gishtin nga trajneri Ventura, i cili edhe u shkarkua pak dit më vonë, por nuk mbaroi me kaq pasi u detyrua të japë dorëheqjen edhe presidenti i FIGC, Carlo Tavecchio.

Por edhe presidenti i FIFA-s, Gianni Infantino, e ka quajtur tragjedi mos pjesëmarrjen e Përfaqësueses së Italisë në Kampionatin Botëror që do të mbahet në Rusi. “Para se të jem drejtor jam një tifoz, më duhet ta pranoj se Kampionati Botëror pa Italinë është tragjedi. Ka nevojë për punë të mirë dhe të dërgojmë Italinë atje ku duhet të jetë, në maje të botës. Por duhet të pranojmë se ata që janë kualifikuar e kanë merituar më tepër”, ka thënë Infantino.