Një avion pasagjerësh me 50 persona në bord është zhdukur pas ngritjes nga kryeqyteti indonezian, Xhakarta.
Avioni ”Sriwijaya Air Boeing 737”, humbi kontaktin gjatë rrugës për në Pontianak në provincën Kalimantan Perëndimore, thanë zyrtarët.
Uebfaqja për ndjekjen e fluturimit Flightradar24.com, tha se avioni kishte humbur më shumë se 3,000 m në lartësi në më pak se një minutë, shkruan BBC.
Ministria e Transportit e Indonezisë tha se përpjekjet e kërkim-shpëtimit kanë filluar. Avioni nuk është i modelit Boeing 737 Max, i përfshirë në dy incidente në vitet e fundit.
Ndërkohë, kompania e flutirimeve ”Sriwijaya Air”, tha se ishte ende duke mbledhur informacion në lidhje me ngjarjen e rëndë, para se të lëshojë një deklaratë zyrtare.
