Indonezia ka kaq shumë ishuj sa që asnjëherë nuk ka qenë në gjendje t’i numërojë ose t’i emërojë ato plotësisht.
Një ligj i vitit 1996 vlerësoi numrin e ishujve në arkipelagun më të madh në botë në 17,508.
Por qeveria Indoneziane shpreson të shfrytëzojë një takim të Kombeve të Bashkuara në gusht, për të mundësuar regjistrimin e të gjithë ishujve çka do të ndihmojë në mbrojtjen e territorit të gjerë të Indonezisë dhe burimeve të pasura të peshkimit.
Sipas Konventës së OKB-së për Ligjin e Detit, një ishull është përcaktuar si një zonë e tokës e formuar natyrshëm, e rrethuar me ujë, e cila ende është e ekspozuar në baticë.
Emri i një ishulli mund të njihet zyrtarisht nëse dihet nga të paktën dy njerëz lokalë.
Ekipi i numërimit nga Ministria e Çështjeve Detare dhe Peshkimit tha për shërbimin indonezian të BBC-së ata donin të shtonin të paktën 1,700 ishuj të rinj në takimin e radhës në gusht.
“Kjo është lista jonë për momentin, por numri ndoshta do të rritet, sepse ne jemi në procesin e vërtetimit dhe verifikimit të ishujve tani dhe ne do ta vazhdojmë ta bëjmë këtë deri në fund të korrikut”, tha Balok Budiyanto, një zyrtar i ministrisë që drejtoi ekipin.
“Ne duhet të vizitojmë secilën prej këtyre ishujve dhe pastaj të shënojmë koordinatat, emrin, kuptimin e emrit, historinë e tokës dhe të përshkruajmë peizazhin dhe historinë gjeografike të saj. Ajo kthehet në ekipin qendror, “shpjegoi ai.
Mbrojtja e identitetit kombëtar
Masa për të numëruar ishujt dhe regjistrimin e emrave të tyre, synon mbrojtjen e territorit dhe burimeve natyrore.
Nëse ishujt e largët njihen nga OKB, ajo mund të ndihmojë Indonezinë të pretendojë sovranitetin mbi ujërat përreth, të cilat janë të diskutueshme nga vendet fqinje.
Qeveria thotë se peshkimi i paligjshëm në atë që i konsideron ujërat e tij, po i kushton vendit miliarda dollarë në të ardhurat e humbura çdo vit.
Si një paralajmërim, ata kanë hedhur në erë anije të huaja të gjetura në ujërat e tyre./BBC//Tirana Today/
