Kryetari i LSI-së, Petrit Vasili ka akuzuar se disa persona, mbështetës të PS-së kanë goditur një mbështetës të LSI-së në Zharrëz të Fierit.
Vasili i bën thirrje Partisë Socialiste që të dënojë aktin dhe të distancohet nga kriminelët, ndërsa quan fajtore forcën tjetër politike për armiqësinë e krijuar.
Gjithashtu, kreu i LSI-së paralajmëroi se nuk do të falë askënd që guxon të bëjë presion, ndërsa shton se përgjigja do të jetë shumë e ashpër.
“Goditet një anëtar i LSI në Zharrëz nga horra të PS, autori i veprës kriminale është Agim Grembi. Policia e drogës nuk ka arrestuar kriminelin. PS të dënojë aktin dhe të distancohet nga kriminelët. PS Fier ka përgjegjësi të rëndë për armiqësinë e krijuar. Përgjigja jonë do të jetë shumë e ashpër. Nuk do të falim asnjë që guxon të bëjë presion”, tha Vasili.
