Disa tifozë shqiptarë janë përplasur me tifozë maqedonas gjatë një ndeshjeje basketbolli. Ngjarja ka ndodhur dje në Shkup, mes ekipit të Pelisterit nga Manastiri dhe tifozëve të ekipit të Shkupit.
Siç bëjnë të ditur nga MPB-ja, rasti ka ndodhur në sallën e sportit “Shaban Twrstena”, pas përfundimit të ndeshjes, ku një tifoz ka hedhur një petardë në drejtim të lojtarëve mysafir. Kjo ka shkaktuar reagimin e tyre, duke hedhur një shishe plastike ndaj tifozëve.
Kjo ka bërë që tifozët të sulmojnë lojtarët e Pelisterit. Gjatë tentimit për të parandaluar rrahjen, janë lënduar dy policë.
