Ambasadori amerikan Donald Lu mori pjesë në ceremoninë e përurimit të godinës së Vettingut, ku e cilësoi këtë të hënë si një ditë shprese për Shqipërinë:
“Anë e mbanë botës kemi kaq shumë lajme të këqija dhe sot është ditë shprese për Shqipërinë”.
Ambasadori amerikan theksoi se tashmë nis zyrtarisht procesi i vettingut, ndërsa të pranishëm në ceremoni kanë qenë edhe Vlahutin dhe përfaqësuesi i Operacionit Ndërkombëtar të Monitorimit, Theo Jacobs.
Ky i fundit u shpreh se “procesi i Vettingut është një proces i gjatë dhe me sfida, por nga ana tjetër përkushtimi i ONM nuk do të mungojë për të bërë operacionet e nevojshme në drejtësi.”
Godina ku do të zhvillojnë veprimtarinë e tyre Komisionerët e Vettingut është ajo e “ish-Lidhja e Shkrimtarëve dhe Artistëve” që ndodhet në Rrugën e Kavajës.
Pas inaugurimit të godinës, ka reaguar edhe kryeministri Rama, i cili shkruan në një postim në Facebook:
Urime, kurajo, suksese komisionerëve të Vetingut!Njerëzit e këtij vendi meritojnë një sistem drejtësie pa gjykatës e prokurorë të korruptuar
