Në zonën e Astirit është ndërtuar një park i madh lojërash, ku do të mund të luajnë fëmijët. Ky park i ndërtuar për argëtimin e vogëlushëve, është më i madhi pas atij që ndodhet te Liqeni Artificial.
Kryebashkiaku, Erion Veliaj ishte i pranishëm në inaugurimin e këtij parku, nga ku tha se është shumë i kënaqur për punën e bërë, si dhe premtoi investime të tjera në këtë zonë.
“Më vjen mirë sot që këndi i dytë më i madh i lodrave në Tiranë, pas atij te Liqeni, është këtu në zona e “Astirit”, e cila deri dje cilësohej zonë e një fshati, pra zonë e Kasharit, kurse sot një lagje e bukur e Tiranës. Por, unë besoj që ajo që është më e rëndësishme është se jo vetëm të kemi një ambient ku fëmijët luajnë, por të sigurohemi që nesër me projektin e 20 shkollave të kemi edhe shkollën e re në këtë zonë”, tha ndër të tjera Veliaj.
