Pas një periudhe shkëputjeje 7-vjeçare, një prej legjendave të kinematografisë turke, Kadir Inanir, ka vendosur të rikthehet në sheshet e xhirimeve.
Aktori 69-vjeçar, i cili njihet edhe në Shqipëri për rolin e Iljazit në filmin “Shamikuqja” (1978), ka vendosur të rikthehet me një projekt të ri.
Lajmin e ka përcjellë gazeta turke “Hurriyet”. Po kështu janë zbuluar edhe disa detaje. Filmi në të cilin do të shfaqet Inanir do të xhirohet mes Mardinit dhe Stambollit në Turqi dhe Suedisë. Titullohet “Porta” dhe xhirimet pritet të nisin në muajin gusht.
