Kreu i LSI-së, Ilir Meta, ka zhvilluar një takim me të rinjtë e njësisë nr.7 në kryeqytet.
Gjatë këtij takimi, Meta u shpreh se LSI nuk vendos interesat e ngushta përpara interesit të vendit dhe se të rinjtë duhet të kenë një shans për një arsim më të mirë e për punë më të mirë paguara.
“Shqipëria evropiane nuk duhet të jetë një Shqipëri që braktiset. Shqipëria evropiane duhet të ofrojë mundësi të reja. Për LSI-në të rinjtë janë të parët. Të gjithë të kenë një shans për një arsim më të mirë e për punë më të mirë paguara. LSI-ja qëndron qartë si faktori më i qëndrueshëm më stabilizues. LSI nuk vendos interesat e ngushta përpara interesit të vendit”, tha Meta ndër të tjera.
