Modelet më të fashme të pasarelës janë bërë bashkë një një event bukurie në Canne, për një qëllim human. Ikonat e bukurisë femërore, Naomi Campbell, Heidi Clum, Kate Moss, Bella Hadid, Natalia Vodianova e Anna Cleveland, por edhe aktori Antonio Banderas, ishin pjesë e shfaqjes “Fashion for Relief” e konceptuar të mbledhë fonde për organizatën humanitare “Save the Children”.
Organizata e bamirësisë “Fashion for Relief” është krijuar nga Naomi Campbell 12 vite më parë dhe kjo është hera e dytë që ajo ”shfrytëzon” festivalin e Cannes për të mbledhur fonde për fëmijët në nevojë.
Kohët e fundit, modelja vizitoi edhe një kamp refugjatësh në Jordani, ku u përlot pas takimeve me fëmijët e shpërngulur nga konflikti në Lindjen e Mesme.
Në fillim të muajit, Naomi tha për revistën “ES Magazine” se e mendon gjatë të gjithë kohës të ketë edhe vete fëmijë, por shton se me zhvillimin që ka marrë tani shkenca, këtë gjë mund ta realizojë kur të dojë, ndërsa sqaron se nuk i pëlqen të jetë nënë e vetme.
