Ben Blushi dha dorëheqjen dje nga drejtimi i partisë LIBRA, por mori me vete edhe Mimoza Hafizin, teksa kjo e fundit u përjashtua nga Komisioni i Etikës.
Por, kush do ta drejtojë tani partinë LIBRA, pas largimit të Blushit?
Mësohet se në krye të partisë do të vijë Endri Tafani, i cili u përzgjodh nga struktura e kësaj force politike.
Në një publikim në faqen zyrtare në Facebook, LIBRA bën me dije se gjatë mbledhjes së bërthamës u komunikua vendimi i Komisionit të Etikës për përjashtimin e Mimoza Hafizit dhe u diskutua largimi i ish-drejtuesit Ben Blushi.
Në bazë të statutit, drejtimi i partisë LIBRA do të kryhet nga Endri Tafani.
POSTIMI I LIBRA-S:
Njoftim LIBRA për mbledhjen e Bërthamës
Në mbledhjen e mbajtur datë 20 Janar 2018 u krye kostituimi i Bërthamës së re të dal nga zgjedhjet e fundit të Forumit LIBRA. Bërthama e re, bazuar në statutin e ri të miratuar në mbledhjen e forumit datë 14 Janar 2018, vendosi si më poshtë:
1. Nënkryetar i partisë zgjidhet Z. Endri TAFANI;
2. Komisioni i Etikës, zgjidhen 5 anëtarët: Gerta Skënderi, Lumturi Papa, Gent Mucollari, Ervin Terziu dhe Gent Karalliu;
3. Komisioni i Garancive Statutore, zgjidhen 5 anëtarët: Merita Shimaj, Erion Kanxheri, Gani Bendo, Klodiana Lasku dhe Arbër Ndregjoni;
4. Bërthamës së re ju komunikua vendimi i Komisionit të Etikës LIBRA, të marrë datë 13 Janar 2018 per perjashtimin e znj Mimoza Hafizi per shkelje te renda.
5. Administratori i LIBRAs rikonfirmohet Zj. Matilda BEQIRI;
Gjatë mbledhjes u shqyrtua dhe rasti I tërheqjes së Z. Ben BLUSHI.
Në bazë të statutit, për shkak të tërheqjes së Kryetarit Z. Ben BLUSHI, drejtimi I partisë LIBRA do të kryhet nga Z. Endri TAFANI.
