Një dëshmitare, mjaft e tronditur nga krimi makabër që ndodhi në Laprakë, ka rrëfyer disa detaje të cilat i shërbejnë policisë. Mbrëmjen e djeshme mbeti e vrarë një 17-vjeçare dhe u plagos 23-vjeçari Erjon Benga.
Për “News 24”, dëshmitarja ka treguar se ishin dy djem të cilët erdhën me vrap, dhe pas të shtënave u larguan duke thirrur “ikim, ikim shpejt”.
“Ishte ora 18:15, ose 18:30. Pashë dy djem që erdhën me vrap nga rruga. Nuk i kushtova rëndësi. Kur disa sekonda me vonë, dëgjova breshëri dhe më pas këta djemtë që thanë “ikim, ikim shpejt” dhe u larguan me vrap nga ana tjetër.
Nuk i pashë kush ishin. Në ato momente pashë që afër makinës që u qëllua, ishte një grua që po parkonte. Iku e tmerruar. Dhe makina e të rinjve iku menjëherë pas të shtënave”, tha dëshmitarja.
