Igli Tare është duke kryesuar listën e drejtorëve sportiv më të suksesshëm në Itali prej disa vitesh. Së fundmi emri i tij është lidhur edhe me një mundësi bashkimi me gjigantin italian Interin dhe një ofertë tunduese për tu bashkuar me agjencinë e bosit të transferimeve, Jorge Mendes.
Por përpos vlerësimeve dhe kërkesave të shumta që ka, Tare është i fokusuar tek puna e tij dhe po përgatit goditjen e radhës për klubin e Lazios. Kjo lëvizje pritet të ndodhë në verë dhe do të ketë një vlerë nga 7-9 milionë euro.
Vlerësimet për Igli Taren nuk kanë të përfunduar në kampionatin italian. Drejtori sportiv i klubit të Lacios, konfirmohet si një nga më të mirët në Itali, që është një prej elitave të futbollit europian. Shiptari është duke vëzhguar me kujdes situatën e sulmuesit të Lillë, Luiz Araujo, i cili është 22-vjeç dhe ka shënuar vetëm 1 gol në kampionatin francez, por shihet si një talent me të ardhme.
Sipas të gjitha gjasave sulmuesi brazilian do të nënshkruaj me lacialët. Bastet e fituara nga ana e shqiptarit janë të shumta, por Keita Balde ka rezultuar si gjetja gjeniale e Tares. Balde u morr me parametra zero, por u shit drejt Monakos për 30 milionë euro.
