Lazio ka kompletuar transferimin e mesfushorit shqiptar, Valon Berisha. Ishte një “luftë” në distancë mes drejtorit sportiv të bardhekaltërve dhe Samdorias për mesfushorin e Sazburgut, por që në fund u fitua nga lacialët. Pak ditë më parë të gjithë e prisnin Valonin në zyrat e Sampdorias për të nënshkruar por ai nuk u shfaq dhe e gjithë pista u rrëzua, pas kësaj duket se ka qëndruar një shqiptar tjetër që momentalisht është njeriu i merkatos në Itali, Igli Tare.
Berisha sitën e sotme kur të gjithë e kanë mendjen tek Botërori është shfaqur në kryeqytetin italian për të kryer vizitat mjekësore dhe shumë shpejt do të vijë edhe zyrtarizimi i kësaj transferte. Me Berishën në mesfushë duket se kompletohet formacioni i Inzaghit për sezonin e ardhshëm.
Shifrat e transferimit janë mjaft të larta dhe Berisha do të ketë një rrogë prej profesionisti. Lazio do të derdhë në arkat e Salzburgut 7.5 milionë euro dhe Berisha ka nënshkruar një kontratë 5-vjeçare ku do të fitojë 1.5 milionë euro në sezon plus bonuset. Me Berishën në mesfushë duket se Igli Tare po projekton një largim të madh nga ekipi, pasi Milinkovic-Savic dhe Luis Alberto janë shumë të kërkuar gjatë kësaj merkato verore.
