Kreu i PDIU-së, Shpëtim Idrizi i kërkoi presidentit që të ulë në një tryezë të përbashkët faktorët politikë, ndryshe rrezikohet siguria kombëtare. Sipas tij, vetëm dialogu serioz i të gjithë aktorëve politikë në vend mund t’i japë zgjidhje krizës politike.
“Ngjyrimi cinik e përjashtues dhe ultimativ po rrisin mundësinë e anormalitetit të jetës politike në vend. Zgjidhja e këtij anormaliteti mund të arrihet vetëm përmes një dialogu serioz. Z. President thërrisni një tryezë të përbashkët parlamentare të faktorit politik për të dalë në një zgjidhje, në mënyrë që nesër të mos jeni të detyruar të thërrisni tryezën e këshillit të sigurisë kombëtare.”
