Ministri serb i Mbrojtjes Aleksandër Vulin, është shprehur se arritja e dialogut mes Beogradit dhe Prishtinës, ka për qëllim ndalimin e krijimit të “Shqipërisë së Madhe”.
“Unë pres që Prishtina të vazhdojnë me provokimet dhe përpjekjet për të thyer dialogun. Ata e dinë se negociatat me Vuçiçin nuk janë të mira për ta. Marrëveshja e Brukselit nuk punon për ta, dhe kjo është e vështirë për të pranuar”, ka thënë Vulin në një intervistë për “Kurir”.
I pyetur se çfarë është e pranueshme për Serbinë, në lidhje me kompromisin, Vulin thotë se për mendimin e tij “dialogu do të pengonte përhapjen e idesë së “Shqipërisë së Madhe””.
I pyetur nëse ai mbështet idenë për të thirrur një referendum, në të cilën shumica e njerëzve të votojnë lidhur me çështjen e Kosovës, Ministri i Mbrojtjes në Serbi u shpreh se Presidenti Vuçiç është “njeri trim, i cili mund ta ndërmarrë vetë këtë akt të guximit politik dhe personal “.
“Nëse populli mendon se diçka po fshihet, do të jetë Kuvendin dhe Qeverinë e cila mund të transferojë përgjegjësinë, por nuk është kështu. Unë do të mbështes Presidentin, sepse unë e di se nuk ka preson tjetër më të guximshëm që do të luftonte për pozitën e serbëve dhe të interesave të Serbisë”, ka thënë Vulin.
Burimi: B92
Përshtati: Tirana Today
