Ndërsa afrohet afati kalimtar i dimrit, Real Madrid po konsideron përforcimin e vijës së sulmit dhe ylli i Interit, Mauro Icardi kryeson listën e sulmuesve që kanë tërhequr interesin e Los Blancos. Sulmuesi argjentinas ka shënuar 15 gola në 14 ndeshje këtë sezon për ekipin italian , të cilët i kanë vendosur klauzolën 110 milionë euro.
Klubi i Milanos dëshiron të rinovojë kontratën e lojtarit deri në vitin 2023, duke i ofruar atij 7 milionë euro në vit, por Real vazhdon të vëzhgojë me kujdes situatën e lojtarit. Megjithatë, klubi spanjoll pranon se gjatë merkatos së ardhshme të transferimit do të jetë e vështirë të gjesh një lojtar që të bëjë diferencën dhe për këtë arsye ata do të preferonin të shmangnin gabimet e bëra në të kaluarën.
Alexis Sanchez i Arsenalit është gjithashtu në radar të klubit, edhe pse lojtari preferon ribashkimin me ish-trajnerin Pep Guardiola në Manchester City. Për më tepër, Timo Werner dhe Fjodor Smolov janë gjithashtu të përfshira në listën e dëshirave të Real Madridit dhe janë vlerësuar maksimalisht nga klubi. Ndërsa në një sondazh të bërë nga prestigjiozja spanjolle “Marca”, tifozët e Real Madrid janë të gjithë në një mendje se sulmuesi që duan të veshë bluzën e “los blancos” duhet të jetë Mauro Icardi. TIRANA TODAY
