Gazetari i njohur italian pranë Interit, Fabrizio Biasin është ndalur dhe pyetur nga “Telelombardia” për një tratativë të mundshme ndërmjet Interit dhe Juventusit për Mauro Icardin dhe Gonzalo Higuain. Kjo tratativë shikon lojtarin e Interit që shkon tek Juventusi dhe në këmbim do të vinte Higuain plus 50 milionë euro.
Në momentin e parë u duk e gjitha si një shpikje e momentit nga mediat dhe gazetarët, por duket se zërat sa më shumë po kalon po intensifikohen më shumë me konfirmime nga të gjitha anët. Në fillim ishte Corriere della Sera, më pas Tuttosport, sot në drekë Tronchetti Provera dhe vetëm para pak minutash Massimo Moratti. Ky i fundit tha se “Më mirë se të na e marrin Icardin për 110 milionë euro, një mendim do e kisha për ta shkëmbyer me Higuain dhe 50 milionë euro.”
Por le të rikthehemi tek ajo që ka thënë Fabrizio Biasin për këtë cështje. Ja fjalët e tij:
“Në të gjithë këtë histori ka vetëm një të vërtetë dhe kjo e vërtetë është se Juventusi i ka treguar derën Higuain. Klubi nga Torino nuk e do më argjentinasin në skuadrën e saj sezonin e ardhshëm.
Ju të gjithë bëni sikur nuk e kuptoni dhe i shmangeni, por e vërteta është vetëm kjo. Ka vite që më thoni se kapiteni i Interit do të largohet por ai është i pari që paraqitet në grumbullimin e skuadrës në korrik. E ndërkohë keni dy vite që më thoni se i pëlqen Juventusit dhe ku shkoi Icardi? Ku? Qëndroi tek Interi dhe u bë kapiten.
Oferta Icardi deri më sot ka marrë pafund, por ka thënë gjithmonë se është i painteresuar. E për ta mbyllur po ju them përsëri se e vërteta e vetme është se Juventusi nuk e dëshiron më Higuain në skuadër. Kaq. Icardi qëndron aty ku është. Të gjithë këtë gjullurdi po e bëni për të fshehur se Juventusi nuk do më Higuain dhe për të mos e zhvlerësuar ne merkato atë.”
