Kapiteni i Interit, Mauro Icardi është një ndër sulmuesit më të mirë në Serie A. Ai ka arritur numrin e 100 golave të shënuar me bluzën zikaltër dhe 1003 gola në total. Ai është lënë jashtë kombëtares argjentinase nga trajneri Jorge Sampaoli, por pas humbjes turpëruese që pësuan përballë Spanjës pritet që të ketë ndryshime në përzgjedhjet e Botërorit nga trajneri. Icardi është shprehur se ai ëndërron të shënojë në një finale të madhe dhe se zona e penalltisë është si shtëpia e tij.
“Zona e penalltisë është zona ku ndihem më i lumtur, pasi jam një sulmues dhe më duhet të shënoj gola. Ajo është shtëpia ime,” shprehet Icardi për Inter TV.
“Zona e penalltisë është një përgjegjësi e madhe, pasi e gjithë skuadra varet nga finalizimi yt. Jam mësuar të jem nën presion. Ti studion portierët dhe pret deri në momentin e fundit, pasi po isha një sekondë gabim, mund të humbas. Penalltia në derbi me Milan kishte shumë peshë, pasi ka shumë tifozë që presin golin.”
Icardi shënoi për të parën herë katër gola ndaj Sampdoria-s në fillim të muajit, ndër to edhe një gol me thembër. “Më erdhi menjëherë në mendje thembra në atë moment. Jam me fat që hyri brenda, pasi kur e pash në TV kuptova se Rafinha ishte i vetëm i gatshëm ta shtynte në rrjetë. Jam përmirësuar në shumë aspekte, mbi të gjitha jam më i qetë në fushë, por asnjëherë nuk ndalesh së mësuari. Jam 25 vjeç dhe mund të bëj shumë më shumë. Gjithmonë i pranoj këshillat nga arbitri dhe trajnerët e skuadrës. Ëndrra ime është të shënojë një gol në një finale të Champions League dhe Kupës së Botës. Por më shijon çdo gol, edhe ata në stërvitje.”
