Zlatan Ibrahimovic është gjithmonë i drejtpërdrejtë dhe nuk kursehet ndaj kritikëve. Ylli i Los Angelos Galaxy i ka dalë në mbrojtje ish-trajnerit të tij tek Interi dhe Mancheter United , Jose Mourinhos i cili nuk është duke kaluar një moment aspak të mirë me “Djajtë”. Në një intervistë të dhënë për “Daily Mirror”, Zlatan i ka quajtur injorantë ata që e quajnë arrogant Mourinhon, pasi ai e quan vetëbesim.
“Jose është i veçantë sepse është një fitues. Ai bën gjithçka për të fituar”, ka thënë sulmuesi suedez. “E njeh shumë mirë futbollin dhe di t’i lexojë shumë mirë ndeshjet. Gjithashtu, ai mund të manipulojë ndeshjet dhe mendjet e lojtarëve të tij.
Mbaj mend se kur erdhi tek Inter, i bëri të gjithë të jepnin më shumë se maksimumin. Nuk e bënë këtë për klubin, por për atë. Kjo gjë e bën atë të veçantë. Unë kam punuar me Capello-n, i cili ishte i ashpër dhe kërkonte disiplinë. Edhe Mou e bënte këtë, por edhe diçka tjetër. Është i aftë të të bindë me mënyrën si i shpreh gjërat.
Injorantët flasin për arrogancë, është vetëbesim. Ka një diferencë mes bindjes se mund të arrish diçka dhe arrogancës. Ne të dy jemi njësoj”, ka përfunduar Zlatan.
