Në orët e vona të mbrëmjes së djeshme është bërë për spital një biznesmen. Njërin sy e ka të mbyllur dhe të nxirë, ndërsa shenjat e dhunës janë të freskëta edhe në fytyrë. Ngjarja është shënuar në rrugën “Merdar Shtylla”, në Komunën e Parisit, afër banesës së tij.
Biznesmeni Andrea Zoga që ka disa aktivitete në Tiranë, si Fast Food-e dhe restorante, është dhunuar keq nga 4-5 persona që i kanë zënë pritë afër shtëpisë së tij.
Duke iu referuar dëshmisë së tij, personat në fjalë kanë zbritur nga një makinë tip Golf, dhe e kanë dhunuar pa shkak. Nga dhuna e ushtruar, biznesmeni ka marrë plagë në trup e kokë, dhe është dërguar menjëherë në Spitalin e Traumës.
Për ngjarjen në fjalë, siç thonë burimet policore, biznesmeni nuk ka depozituar ende një kallëzim.
