Një shpërthim me tritol ka ndodhur 13 ditë më parë, në banesën e shtetasit Marin Begeja, në fshatin Kukël të bashkisë Vau Dejës.
Tritoli ishte vënë pas derës së shtëpisë, ndërsa ngjarja është mbajtur e fshehtë nga policia, duke mos e raportuar atë.
Mësohet se Marin Begeja ka marrë disa dëmtime, por i ka shpëtuar këtij atentati. Ai është djali i Tom Begejës, ky i fundit i ekzekutuar në vitin 2002 nga forcat e policisë në Kukël, pasi më përpara akuzohej se kishte vrarë 5 persona mes të cilëve një grua shtatzënë dhe djalin e tij 25 vjeçar. Policia kishte dështuar 3 herë për ta kapur.
Marin Begeja ka dyshime se vendosja e tritolit ka ardhur vetëm si shkak i konflikteve të shumta që ka lënë të hapura babai i tij, ndërsa tregon se tritoli ka qenë i telekomanduar.
Ai kërkon zbardhjen e ngjarjes nga policia, sepse familja e tij është tashmë e frikësuar.
Ato ngjarje të 17 viteve më parë e përndjekin edhe sot familjen Begeja duke i vënë tritol djalit të tij Marin Begeja, baba i 6 fëmijëve.
