Një shpërthim ka ndodhur gjatë natës në Farkë. Mësohet se një sasi lënde plasëse ka shpërthyer në një makinë, e cila ishte në pronësi të administratorit të njësisë administrative Farkë.
Ngjarja ka ndodhur rreth orës 02:00, ndërsa mësohet se mjeti ka qenë i parkuar në rrugën e “Tufajve” në Lundër, pranë banesës së Ardian Tufës.
Automjeti ka pësuar disa dëmtime të vogla në pjesën e pasme. Policia ka nisur hetimet për zbardhjen e ngjarjes.
