Pasi Leonardo Bonucci u largua nga Juventusi drejt Milanit të shumtë ishin fansat që krijuan një urrejtje ndaj tij dhe këtë ia shprehën në rrjetet sociale. Por duket se dikush ka kaluar kufirin e ofendimeve dhe i ka shkruar në Instagram: “Vdekshin të dy fëmijët e tu”. Një mallkim tepër i rëndë që dhe qendërmbrojtësi italian nuk e ka anashkaluar po ka reaguar menjëherë me anë të një “Story” në Instagram ku i shkruan:
“Ndoshta një ditë do të jetojmë në një botë më të mirë, por për tani shpresoj që të mbaj larg fëmijët e mi nga bota ku po jetojmë. Bota e njerëzve të tillë. Bota e dhunës së gjesteve, fjalëve dhe mendimeve. Tani fshi llogarinë, ndrysho profilin, telefono dikë që të të ngushëllojë, por askush nuk mund të të ndryshojë. Do të mbetesh i neveritshëm”, shkroi Bonucci në një “Story” në Instagram.
