Luka Modric u shpall fituesi i “Topit të Artë” këtë vit dhe kishte një diferencë të madhe pikësh me vendin e dytë i cili mbahej nga Cristiano Ronaldo. Por tashmë ka plasur një skandal në lidhje me votimin. Fillimisht një gazetar u shpreh që ai nuk kishte votuar Modric me pikë të plota, por në sistemin përfundimtarë renditja kishte ndryshuar. Por nuk mbaron me kaq.
Abdou Boina është emri i përdorur nga gazetari i cili teorikisht ka votuar nga Ishujt Komores, por që në fakt mediat e këtij shteti kanë thënë se ky gazetar nuk ekziston fare.
Më e habitshme ishte fakti që media në të cilin gazetari ka punuar i quajtur gjoja ‘albaladcomores.com’, nuk ekziston fare dhe është i mbyllur që 6 vite.
“Ne kishim dy gazetar, Abdoul Youssouf për edicionin francez dhe Sharif Ousseine për edicionin arab. Ky emër kurrë nuk ka punuar në këtë gazetë” ka thënë ish pronari i gazetës.
Për shkak të skandalit, kryetari i shoqatës së gazetarëve të Komoros, Stépahne Ahamadi, ka thënë se FIFA duhet të jap sqarime ngase ky emër nuk ekziston në listat e shtetit të tyre.
