Një berber shqiptar është dhunuar në Italia. Ai është pronari i berberhanes së quajtur “Fenix”. Shqiptari i identifikuar si Isen Suljejmani , tregon tmerrin që ka kaluar.
“Ata më rrahën në Via Gramsci, ndalova për një çast në ATM dhe pastaj takova disa miq. Kam një nofulla të thyer, unë duhet të shkoj nesër në Spitalin Torrette “, tha shqiptari.
Fytyra e tij është e fryrë, 32-vjeçari e ka të vështirë të flasë. “Unë nuk mund të ha, unë jam shumë keq”, tha i riu ndërsa po tregonte për ngjarjen që i kishte ndodhur mbrëmë.
Tre persona e kishin sulmuar atë në Maceratës. Iseni është shqiptar dhe jeton në Pollenza prej 15 vitesh. Në Macerata ai është pronar i berberhanes “Fenix”, i cili gjendet në rrugën Galleria del Commercio.
“Unë kurrë nuk kam pasur ndonjë problem me askënd, nuk e shpjegoj se për çfarë ka ndodhur. Unë isha në ditëlindjen e mikut tim këtu në qendër të qytetit. Meqë nuk kam makinë, po prisja disa miq që do vinin të më merrnin. Por, ndërsa prisja ata unë shkova tek Zyra Postare për të parë bilancin në ATM”, tha shqiptari.
Ndërsa ai ishte atje dhe duke folur në telefon me një bashkatdhetar, tre persona e dhunuan, shkruan cronachemaceratesi.it.
“Tre djemtë u afruan te ATM. U thashë, me mirësi, të largohem sepse nuk i njihja. Por gjërat precipituan, duke pasur parasysh provokimet e vazhdueshme, madje u thash që do thirr policinë.
Unë kisha telefonin në dorë. Ata më thanë: “Thirri shokët e tu shqiptarë …”, sepse ata me gjasë dëgjuan se po flisja shqip. Kur e kuptuan se thirra policinë ata erdhën dhe më qëlluan me grushte dhe shkelma në kokë dhe fytyrë. Më pas ata ikën në drejtim të Piazza della Libertà. Rashë në tokë. Kishte njerëz të tjerë në bar pranë zyrës së postës, por askush nuk kishte kohë për të ndërhyrë. E gjeta telefonin e mora pasi ai vazhdonte të binte.
Një patrullë policie më në fund erdhi. Shokët e mi shqiptarë gjithashtu erdhën dhe më dërguan me shpejtësi në urgjencë.” Mjekët i kanë thënë shqiptari që për 30 ditë ai nuk mund të hajë.
“ Për 30 ditë nuk mund të ushqehem. Kam nofullën dhe dhëmbët e thyer. Nuk e lëviz dot nofullën”, tha më tej 32-vjeçari.
Ai i përshkruan tre sulmuesit si tre të rinj 25-vjeçarë, ndërsa policia ka marrë pamjet filmike nga kamerat e sigurisë në zonë./Përshtati: Tirana Today/
