Policia e Dibrës ka arrestuar një person, i cili ishte shpallur në kërkim për moskallëzim krimi. Bëhet e ditur se në pranga ka rënë 23-vjeçari Indrit Belba, i cili më 6 qershor së bashku me dy persona të tjerë ndihmuan 33 vjeçarin Ardit Aldedja, që të largohej me makinë, pasi tentoi që të vrasë një person në Peshkopi.
“Gjykata e Dibrës i ka caktuar 23-vjeçarit, masën e sigurisë “Arrest në burg”, për veprat penale “Moskallëzimi i krimit” dhe “Përkrahja e autorit të krimit”, pasi akuzohet se më datë 06.06.2023, në bashkëpunim me 2 shtetas të tjerë, ka ndihmuar për t’u larguar nga vendi i ngjarjes, një 33-vjeçar që tentoi të vriste me armë zjarri një 20-vjeçar, në qytetin e Peshkopisë, si dhe nuk ka kallëzuar për këtë krim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.”- njofton policia.
