Sergio Aguero nuk ka qenë një ndër futbollistët më të disiplinuar tek Manchester City dhe këtë e ka treguar ndër vite, por përgjigjet që jep në fushë duke shënuar shumë gola e kanë shpëtuar atë nga dënimet. Sulmuesi argjentinas është përfshirë sërish në telashe pas një postimi të bërë në Instagram nga modelja 18 vjecare Lola Magnin.
The Sun raporton se vajza ka shpërndarë në profilin e saj në Instagram foto të saj dhe sulmuesit të Manchester City duke tymosur nargjilè dhe një video ku për disa sekonda argjentinasi shfaqet duke thithur tymin.
Tabloidi i njohur britanik zbulon edhe një citim që vjen nga brenda klubit të Manchester Cityt, të cilët kritikojnë sjelljen e Agueros: “Nuk është diçka e bukur për tu parë. Aguero duhet të jetë jo vetëm një sportist në nivel të lartë, por edhe një model për ata që e shohin. E këto pamje nuk është se japin një imazh pozitiv për të rinjtë“.
Kjo situatë pritet që të sjellë edhe një ndëshkim për bomberin argjentinas. Aguero gjithmonë ka mohuar që të ketë lidhje me modelen 18-vjeçare. “E njoh Lolën por vetëm kaq.” Mund të jetë edhe kështu, por ish-dhëndri i Maradonës, e njeh aq mirë sa për ti lejuar të postojë në Instagram video që mund ti hapin telashe.
