Mesfushori i Kazakistanit, Aibol Abiken, i shtangu të gjithë me golin e realizuar nga mesi i fushës, ndaj Shqipërisë, në sfidën e vlefshme për Ligën e Kombeve, që përfundoi 3-1 në favor të kuqezinjve.
Në një prononcim për kanalin e Federatës së Futbollit të Kazakistanit në Youtube, 24-vjeçari ka komentuar ”perlën” e tij.
Ai u shpreh i keqardhur për humbjen e ndeshjes.
”Së pari, në emër të të gjithë ekipit, unë do të doja t’u kërkoja falje tifozëve të Kazakistanit. Fatkeqësisht, në nuk fituam. Ndërsa u afruam në qendër të fushës, pashë portierin që largohej nga porta dhe e shfrytëzova rastin. Ne duhet të mundim Lituaninë në shtëpi, nuk ka vend për t’u tërhequr, ne do të bëjmë më të mirë”, tha Abiken.
