Gazetari amerikan, Larry King ka ndërruar jetë në moshën 87-vjeçare. Lajmi është bërë e ditur përmes një deklarate në llogarinë e tij në rrjetin social, Twitter.
Ai ishte infektuar me koronavirus dhe ka qenë duke u trajtuar në një spital në Los Anxhelos.
King njihet për intervistim të mijëra liderëve botërorë, politikanëve dhe artistëve për rrjetin televiziv amerikan, CNN dhe media të tjera.
Emisioni i tij në CNN “Larry King Live”, që ka ekzistuar në periudhën 1985-2010, është shikuar nga miliona persona.
King është vlerësuar disa herë për punën e tij gjatë karrierës mbi 60-vjeçare, përfshirë dy çmime Peabody dhe një Emmy.
— Larry King (@kingsthings) January 23, 2021
