Pas garës së Singaporit, ku Ferrari sërish dështoi përballë Mercedes ka folur edhe “i përjashtuari”, Kimi Raikkonen. Ai është shprehur se pavarësisht të gjithave që kanë ndodhur dhe se ai tashmë e ka mbyllur me “kokëkuqen”, ai do të qëndrojë besnik deri në fund. “Edhe pse më larguan nga Ferrari i jam mirënjohës kësaj makine për mundësinë që më ka dhënë ndër vite”, tha Kimi Raikkonen.
Piloti finlandez kërkon qa ta mbyllë eksperiencën te Ferrari me një kujtim të mirë, qoftë titulli kampion për konstruktorë apo për pilotë për këtë makinë. Duke parë që shanset që ai të shpallet kampion janë shuar, Raikkonen premton se ai do të ndihmojë shokun etij të skuadrës, Vettelin që të arrijë diçka të tillë.
“Unë pilotoj makinën time, ai të vetën, port ë dy pilotojmë një Ferrari. Pra jemi në të njëjtin ekip dhe nëse do të kem mundësi do ta ndihmoj. Është e lehtë të flasësh për këtë gjë nga jashtë, ndërkohë që pista shpesh rezervon të papritura. Të shohim se çfarë do të ndodhë në garat e mbetura nëse do të jemi pranë njëri-tjetrit në pistë. Ne i njohim rregullat tona brenda skuadrës”, u shpreh Raikkonen, 38 vjeç, një nga veteranët e Formula 1, kampion bote me Ferrarin në vitin 2007.