Një nga organizatat më të mëdha të të drejtave të kafshëve në Korenë e Jugut është akuzuar për vrasjen e qindra qenve. Pavarësisht se kanë deklaruar një politikë pa vrasje dhe për të shpëtuar kafshët, ata kanë kryer një akt barbarë.
Dyshohet se kreu i fermës së organizatës Bashkëpronësia e të Drejtave të Kafshëve në Tokë (CARE), ka udhëruar ekzekutimin e 230 qenve pasi nuk kishte më hapësirë për ti strehuar.
CARE bën një fushatë të shkëlqyeshme për të ndaluar vrasjen e kafshëve në Korenë e Jugut dhe përdorimin e tyre si ushqim, duke arkëtuar rreth dy miliardë dollarë në çdo vit për të shpëtuar qentë në të gjithë vendin. Presidenti i Koresë së Jugut, Moon Jae-in është një nga mbështetësit e organizatës së bamirësisë, ndërsa kur mori detyrën në 2017-ën ai mori një qen të vogël me ngjyrë të zezë e të bardhë.
Megjithatë, anëtarët e stafit të CARE kanë akuzuar kreun e organizatës, Park So-yeon për vrasjen e tyre, pasi kjo shkonte kundër politikës bamirëse. 230 qentë që u ekzekutuan ishin rreth një të katërtën e kafshëve që u shpëtuan grupi në atë periudhë, sipas gazetës Hankyoreh.
Vetëm dhjetë për qind e qenve vuanin nga sëmundje të pashërueshme dhe shumica u vranë për shkak të madhësisë së tyre, citoi një punonjës i CARE. Kafshët u listuan pastaj si të sëmura.
Anëtarët e stafit të CARE organizuan një protestë në zyrat e organizatës në fundjavë për të kërkuar dorëheqjen e Parkut. Qëndrimet e Koresë së Jugut mbi qentë janë të ndara – rreth një milion qen janë ngrënë çdo vit në vend, shpesh si një traditë verore.
Por tradita është në rënie, ndërsa kombi gjithnjë e më shumë përqafon idenë e qenve si kafshë shtëpiake, duke e cilësuar ngrënien e tyre si një tabu.
Sipas një studimi të vitit 2017, 70 për qind e koreanëve të jugut nuk hanë qen, por shumë më pak – rreth 40 përqind – besojnë se praktika duhet të ndalohet. Ajo gjithashtu gjeti 65 përqind mbështetje për ngritjen dhe therjen e qenve në kushte më humane. Përshtati TIRANA TODAY
