Kryebashkiaku i Tiranës Erion Veliaj kishte thirrur në tryezë artistët të cilët do të flisnin për çështjen e Teatrit të ri. Por sipas tij artistët ishin përdoruar nga opozita për të bllokuar punimet e mbledhjes.
Pak minuta më vonë, zyra e shtypit e Bashkisë ka publikuar fotot e dy sms-ve që sipas saj tregon se Sindikata e Artistëve merr urdhra nga zyrtarë të PD-së lidhur me kohën se kur duhet të flasin, si duhet të sillen dhe çfarë duhet të thonë.
“Nga mesazhet e fotografuara që avokatja militante e PD, Mirela Jorgo, i dërgonte zyrtarëve të PD duket qartësisht se si ishte inskenuar gjithçka, duke nxjerre zbuluar planin e PD për prishjen e dëgjesës. Taulanda Jupi, një nga koordinatoret e protestës se çadrës së Partisë Demokratike, i dërgon urdhra me SMS përmes Mirela Jorgos, duke u kërkuar që të ndërhyjnë dhe të marrin nën kontroll situatën dhe te prishin dëgjesën”, -thuhet në njoftimin e zyrës së shtypit të Bashkisë.
Lidhur me këtë situatë vetë Mirela Jorgo ka reagur në “Facebook”, ku shkruan se Veliaj do të ndiqet penalisht pasi ka shkelur privatësinë.
“Veliaj fotografon telefonin tim duke nxjerre deklarata se japin urdhera nga opozita. E PARA , Veliaj duhet ta di qe degjesa ishte e hapur dhe ne kishim pergatitur nje deklarate ne emer te Aleances per TEATRIN, E DYTA , telefoni im eshte publik dhe marrin te gjithe sepse jane te interesuar per ceshtjen e Teatrit, po ta vinit re ai numer nuk eshte i rregjistruar me emer e mbiemer, te gjithe qe shkruanin ishin te interesuar cfare po ndodhte, e katerta, Veliaj do te kallzohet penalisht per dhunim te privatesise”,-shkruan Jorgo.
