Një 32-vjeçar është arrestuar nga policia, pasi ka goditur me thikë dy persona, babë e bijë. Sipas policisë të lënduarit janë dërguar në spital dhe ndodhen jashtë rrezikut për jetën.
Autori është Fatjon Toska, banues në lagjen “Barikada” në Berat. Sherri ka ndodhur në lagjen “Çlirim”. Toska goditi me thikë vajzën 23 vjeçe me inicialet R.D. dhe të atin e saj G.D. 53 vjeç.
Sherri ka ndodhur, pasi 32-vjeçari kishte ngacmuar vajzën e 53-vjeçarit. Por, pas përplasjes fizike Fatjon Toska i ka qëlluar me thikë të dy, babë e bijë duke i plagosur.
Të plagosurit u dërguan për ndihmë mjekësore në Spitalin Rajonal Berat dhe raportohet se janë jashtë rrezikut, pasi kanë plagë të lehta.
Materialet u referuan në Prokurorinë Pranë Gjykatës së Shkallës së Parë Berat, për veprën penale, “plagosja e lehtë me dashje”, parashikuar nga neni 89 i Kodit Penal.
