Të gjithë ju që keni mpirje të duarve gjatë natës, nuk duhet që ta toleroni si situatë, por menjëherë duhet të këshilloheni tek mjeku i familjes. Simptomat e para janë mpirja dhe ndjesia e shpimit të duarve si më gjilpërë. Përgjithësisht sindroma në fjalë prek mësë shumti gratë. Kjo njihet me emrin “Carpal tunnel syndrome”, sindroma e kyçit të dorës, e cila është ngjeshje e nervave.
Këshilla për ata që punojnë pa pushim në kompjuter
Nëse keni një punë që i mban vazhdimisht duart dhe kyçet në lëvizje, e mira është që çdo 2- 3 orë të ndaloni, dhe qetësoheni pak. Lëvizini duart, gishtërinjtë, bëni disa ushtrime specifike dhe tërhiqni muskujt.
Mbajeni kyçin drejt, ndërkohë që punoni. Studimet kanë treguar se ka një lidhje të drejtpërdrejtë midis pozicionit të kyçit dhe kësaj sindrome. Rregullojeni karrigen në mënyrë të atillë që parakrahët tuaj të jenë në të njëjtin nivel me tastierën.
Mundohuni t’i mbani kyçet sa më drejt, pa i lakuar shumë. Qëndroni ulur ashtu siç duhet.
Përdorni akull
Kjo metodë nuk e lufton sindromën e kyçit të dorës, por arrin t’ju lehtësojë dhimbjet.
