Policia ka nisur një hetim për vrasjen e ish-kryeministrit japonez Shinzo Abe, por pak dihet për të dyshuarin që u arrestua në skenën e të shtënave fatale të premten.
Kush është i dyshuari? Tetsuya Yamagami, 41 vjeç, pranoi se kishte qëlluar Abe, tha policia gjatë një konference për shtyp të premten. Yamagami, i cili është i papunë, u tha hetuesve se kishte urrejtje ndaj një grupi të caktuar me të cilin mendonte se Abe ishte i lidhur. Policia nuk i ka dhënë emrat e grupit.
Çfarë lloj arme u shkrep? I dyshuari përdori një armë të bërë vetë, tha policia, dhe pamjet nga vendi i ngjarjes treguan atë që dukej të ishte një armë me dy tyta metalike cilindrike të mbështjellë me shirit të zi. Autoritetet më vonë konfiskuan disa sende të bëra me dorë si pistoletë, nga banesa e të dyshuarit.
Yamagami prodhoi lloje të shumta armësh me tuba hekuri që ishin mbështjellë me shirit ngjitës, raportoi transmetuesi publik japonez NHK, duke cituar policinë. Policia gjeti armë me tre, pesë dhe gjashtë tuba hekuri si tyta.
I dyshuari ka futur plumba në tub, për të cilin kishte blerë pjesë në internet, tha policia, sipas NHK. Policia beson se i dyshuari ka përdorur armën më të fortë që ka bërë në atentat, shtoi NHK.
Hetimi i sigurisë/ Agjencia Kombëtare e Policisë së Japonisë tha se do të rishikojë masat e sigurisë të vendosura përpara të shtënave të së premtes, sipas NHK. Sigurimi po merrej nga policia e prefekturës Nara, e cila hartoi një plan sigurie për ish-kryeministrin ndërsa ai ishte në qytet.
Burimi i lajmit: CNN. Përshtatur nga Tirana Today
