Një baba është akuzuar se ka mbytur djalin e tij pesëvjeçar për vdekje, dhe se i ka dërguar fotografi të kufomës ish-gruas së tij sepse ajo gjeti një të dashur tjetër. Gabriel Enrique Gonzales Cubillos la trupin e djalit të tij, Gabriel Esteban, në një dhomë hoteli në Departamentin e Cundinamarca, në Kolumbinë qendrore.
50-vjeçari u arrestua në një pikë kontrolli trafiku, ku mediat lokale raportuan se ai ishte përpjekur të korruptonte policinë për ta lënë të kalonte.
Policia tha se ai kreu vrasjen, sepse gruaja e tij gjeti një partner të ri. Cubillos dyshohet se e ka rrëmbyer djalin e tij të dielën më 2 tetor, e më pas e vrau.
Ai më pas thuhet se i dërgoi Consuelo Rodriguez, ish-it të tij, një fotografi të trupit të Gabrielit të vogël dhe rrëfeu për vrasjen. Mesazhi në WhatsApp thuhet se ishte: “Ai nuk vuajti. Tani mund të kënaqeni vetëm me Edilson dhe Wesly pa Tricitico dhe shumë më pak mua. Urime”.
Identitetet e personave të tjerë të përmendur në mesazhin e tij janë aktualisht të paqarta. Consuelo zemërthyer shpejt telefonoi policinë. Në një lëvizje tjetër të supozuar, Cubillos akuzohet se i ka lënë një USB ish-gruas së tij duke detajuar planin e tij të sëmurë. Djali u gjet i vdekur në hotelin El Rey, në Melgar, sipas mediave lokale.
Burimi i lajmit: Mirror. Përshtatur nga Tirana Today
