18-vjeçari i shoqëruar në polici, i akuzuar si fajtor për dëmtimin e efektives Ina Nuku gjatë protestës dhe këputjen e 4 gishtave të saj, i ka kërkuar sot polices falje publike.
Në një telefonatë për “Fax News”, Daniel Dobraj ka rrëfyer se qëllimi i tyre nuk ishte të lëndonin policinë, por të mbronin pronën e tyre. Dobraj ka rrëfyer se gjatë arrestimit dhe qëndrimit në burg, forcat e policisë kanë ushtruar dhunë mbi të.
“Dua të kërkoj falje publikisht, edhe nëse është kapsolli që kam hedhur unë ai që ka lënduar efektiven. Nuk ishte e qëllimshme, nuk ishte ajo që kërkonim ne. Kemi dalë për të mbrojtur pronën tonë dhe nuk doja të dëmtohej efektivja. Kur jam shoqëruar për në komisariat jam dhunuar nga katër civilia dhe drejtori. Kur kam shkuar në komisariat po ashtu jam dhunuar dhe nga drejtori. Me grushta, me ofendime dhe shpulla nga më të ndryshmet. Këtu jam mjekuar, po më kanë dëmtuar civila, gjatë momentit të shoqërimit. Ndihem më mirë tani. Na kanë pritur shumë mirë dhe kemi mbështetje. Familjarët nuk i kanë lejuar që ti takoj për shkak të festave. Unë jam 18-vjeç dhe nuk kam bërë një gabim që jam këtu dhe më kanë ndërprerë shkollën. Jam në shkollë në vit të parë për Inxhinieri Ndërtimi, dhe kam mbaruar gjimnazin me mesataren 9.5.”- është shprehur 18-vjeçari.
