Ndryshimet në qeveri, morën jehonën e duhur. Pati shumë skepticizëm, e mbi të gjitha zgjoi debatet e zjarrta mes politikës e jo vetëm. Me një të rënë të lapsit, Rama bëri ndryshime rrënjësore, duke shtuar edhe më shumë kërshërinë se çfarë fshihej pas këtyre zëvendësimeve, me emra të njohur deri diku, dhe të panjohur.
Gazetari i njohur Flamur Vezaj, ka zbuluar një detaj pikant lidhur me “prerjen” e kokës së Ditmir Bushatit. Ministri i Jashtëm tashmë në ikje, pretendohet se është shkarkuar nga posti, për shkak të lidhjeve me botën kriminale. Vezaj citon se Bushatit i kanë dalë në “dritë të diellit” mesazhet e shkëmbyera me të fortët e fisit “Bajri” në Shkodër.
Rrjedha e ngjarjes nuk është lënë me kaq, por këto biseda tashmë ndodhen në dosjen e Prokurorisë për Krime të Rënda, të ardhura nga një vend i BE-së, që kishte përgjuar prej kohësh të fortët e Bajrave.
Siç duket, me ardhjen e këtyre materialeve, kryeprokurorja Arta Marku ka njoftuar kryeministrin. Ky i fundit, ka gjetur zgjidhjen për të mos plasur bomba. Për të shuar këtë zhurmë që nga çasti në çast pritet të plas, Rama shkarkoi nga detyra ministrin Bushati. Historia në fjalë nuk përfundon me kaq, pasi në rrjetën e përgjimeve ka rënë edhe një deputet i Shkodrës.
“Bushati dhe Bajret e Shkodrës!
Burimet prane “frontit te se keqes” ose “kazanit mediatik”, thone se Ditmir Bushati u shkarkua nga detyra per shkak te bisedave dhe mesazheve te shkembyera me te fortet e fisit “Bajri” ne Shkoder!
Keto biseda e mesazhe, thone burimet, tashme ndodhen ne dosjen e Prokurorise per Krime te Renda, te ardhura nga nje vend i BE-se qe kishte pergjuar prej kohesh te fortet e Bajreve! Me ardhjen e ketyre materialeve, PPP-ja Arta Marku ka njoftuar KM i cili per te “zbutur zhurmen” qe pritet te plas, ka vendosur ta shkarkoi nga detyra Ministrin e Jashtem, D.Bushatin!
Por jo vetem kaq, burimet nga “kazani mediatik” ose “fronti i se keqes” thone se KM, ka kerkuar nga PPP-ja Marku qe t’i premtoi prokuroreve te çeshtjes kalimin e “Vetingut”, nese arrijne te ruajne dhe te mos rrjedhin ne media keto biseda e mesazheve telefonike!
Sipas ketyre burimeve, thuhet se bisedat mes tyre jane te ndryshme qe nga koha e fushates zgjedhore e ne vazhdim, deri te emerimet e personave ne administrate e polici!
Ne rrjeten e pergjimeve mesohet se ka rene edhe nje VIP tjeter, deputet i Shkodres L.Harusha, me te cilin mes tjerash flasin edhe per persona te trete, si KM, S.Tahirin…etj etj!
Pra koleg, mos kerkoni arsye të tjera per kete levizje, por interesohuni vetem ne dosjen e te “forteve” te fisit Bajri qe ndodhet te Krimet e Renda!”, shkruan ai në Facebook.
