Një i ri shqiptar është shpallur në kërkim nga policia italiane, pasi akuzohet se plagosi me armë një maroken.
Mediet italiane raportojnë se nga të shtënat me armë zjarri, 29-vjeçari u plagos në këmbë dhe është transportuar me urgjencë në spital.
Sipas së përditshmes “Ansa”, thuhet se gjithçka kishte nisur pas një sherri për një femër.
Mësohet se shqiptari, identiteti i të cilit nuk dihet ende, kishte qenë në lokal bashkë me të fejuarën e tij, ndërsa marokeni kishte ngacmuar këtë të fundit.
