Prej dy muajsh, njëqind shqiptarë, shumica prej të cilëve janë me prejardhje rome janë vendosur kampim Jardin du Pech, në rrugën Saint-Simon. Fqinjët ankohen, por shqiptarët ende janë në pritje për strehim.
Banorët e zonën së rrugën Saint-Simon Farncë, ankohen për papastërtitë e kampit ku rreth tridhjetë familje shqiptare prej dy muajsh jetojnë në çadra.
Por ata që po i vuajnë pasojat nuk janë vetëm banorët por edhe vetë shqiptarët, raporton ladepeche.fr.
Rasti i Edrës
Edra, një vaze e re shqiptare tregon se si çdo ditë, mashtron për të hyrë në tualetet e supermarketit pasi në kamp nuk ka banjo.
Ajo është 24-vjeç dhe në Shqipëri ka përfunduar studimet për drejtësi. Me bashkëshortin dhe vjehrrën ajo ka arritur në fund të shtatorit në Toulouse.
Ajo çdo ditë telefonin në ditë numrin 115 për të kërkuar ndihmë. Të papunët, të rinjtë dhe adoleshentët djegin dërrasat e paleta për t’u ngrohur. Ditët e ftohta të dimrit kanë mbërritur dhe ata jetojnë jashtë nëpër çadra.
Përpara çdo çadre, ka vaska të vogla me pak ujë që përdoren për të larë fëmijët që jetojnë në kamp. Ndërsa rrobat ata i hapin nëpër tela të vendosur midis pemëve.
Erda e dinte se askush nuk po priste familjen e saj në Francë. Por kjo situatë nuk e ndaloi Samirin, burrin e saj, i cili mori vendimin për të ikur. Në Shqipëri ai punonte si marangoz dhe fitonte 300 € në muaj.
Ndërsa sot të gjendur mes katër rrugëve familja nuk e kupton se pse shteti nuk u jep një strehë derisa të përfundojë shqyrtimi i plotë i dosjes së tyre.
Familja Dosti
Përveç çadrës së Erdës dhe burrit të saj, familja Dosti gjithashtu jeton në këtë kamp. Nëna e familjes, Elisabeta po bën të pamundurën që t’u ofrojë fëmijëve një të ardhme më të mirë.
Nga një dosje ajo nxjerr një fletore të re shkollore të Nelsit, 12 vjeç, i cili po ndjek klasë e pestë në kolegjin e Caousou.
Policia ka shkuar tri herë në përpjekje për të evakuuar kampin. Pak ditë më parë policia kishte dërguar vendimin e 9 nëntorit të gjykatës administrative që urdhëronte dëbimin e të gjithë banorëve. Por, për shqiptarët ky është një vendim i dhimbshëm. Ata tashmë nuk dinë se ku do e fusin kokën./Tirana Today/
