Heqja e simbolit të Shqiponjës nga rrethrotullimi i Doganës ka shkaktuar replika të shumta mes mazhorancës dhe opozitës.
Por, cili është mendimi i Lazim Destani, biznesmenit shqiptar të Diasporës që i dhuroi shtetit këtë monument?
Destani, biznesmeni i fuqishëm në Maqedoni i cili është babai i aktorit të njohur Blerim Destanit, ka mbajtur një qëndrim neutral lidhur me debatin e shkaktuar pas heqjes së Shqiponjës.
Në një reagim thuhet se Destani paraqet një figurë që bashkon njerëz e si i tillë nuk dëshiron të prononcohet, duke mos përkrahur asnjërën palë.
Reagimi i plotë:
Pas ndodhive te fundit lidhur me monumentin Shqiponje qe z.Destani i ka bere dhurate Tiranes dhe gjith kombit shqiptar, per Njeqind-Vjetorin e Pavaresise, preferojme te mbajme ane neutrale, sepse z.Destani paraqet figure qe bashkon njerez, ndaj edhe as ne kete rast nuk duam te deklarohemi ne nje menyre apo tjeter per te shkaktuar eventualisht edhe nje tjeter percarje mes cilave do subjekte.”
