Një 19-vjeçar shqiptar është kapur duke u kujdesur për kanabis në një shtëpi në Britani. Ai është Ergis Kuçi dhe banonte vetën në shtëpinë e mbushur me lëndë narkotike në Horden.
Shqiptari është ndaluar nga autoritetet Britanike që më 16 korrik të këtij viti. Në dëshminë e tij ai u ka thënë gjyqtarëve se punonte, pasi paratë ia dërgonte familjes në Shqipëri.
Zyrtarët gjetën 120 bimë kanabisi në tre dhoma dhe 50 rrënjë në papafingo. Ndërsa energjia elektrike që përdorej për rritjen e tyre ishte e lidhur ilegalisht në linjë.
Gjykatësit në Gjykatën e Durhamit dëgjuan se i riu ishte ndaluar falë një operacioni të sofistikuar.
Shaun Dryden, që po ndjek çështjen ka thënë se kanabisi mund të arrinte vlerën e 31,450 £.
Ndërsa kur është marrë në pyetje, Kuçi i ka thënë policisë se ishte shtetas shqiptar. Sipas tij ai kishte hyrë ilegalisht në Britani, duke u fshehur në një kamion në Francë.
Më tej 19-vjeçari ka thënë se në fillim kishte punuar në një lavash në zonën e Walthamstoë të Londrës.
Ai tha se ishte rekrutuar nga një grup pakistanezësh për t’u marrë me drogë. Shqiptari ka pranuar se ka shkuar të punojë me vullnetin e tij, pasi i duheshin para port t’ia dërguar familjes.
Kuçi, pranoi akuzën për prodhimi kanabisi. Por, gjyqtari Paul Cleasby, është shprehu se i pandehuri nuk kishte treguar shumë detaje rreth bandës. Sipas gjyqtarit, shqiptari nuk mund të ketë punuar me pakistanezë. I riu gjatë dëshmisë ishte shprehu se nuk mund të japë detaje për bandën pasi i vihej në rrezik familja.
Ndërsa në fund të seancës gjyqtarët vendosën ta dënonin me 20 muaj burg. Pas përfundimit të dënimit ai do dëbohet drejt Shqipërisë./TIRANA TODAY/
