Një person është arrestuar nga policia në Tiranë, pasi ishte shpallur në kërkim ndërkombëtar.
Shtetasi Albert Bulcari (Mirash Hani), është dënuar nga drejtësia italiane për veprat penale “Trafikimi i lëndëve narkotike” dhe “Falsifikimi i dokumenteve”.
”Ky shtetas ishte shpallur në kërkim ndërkombëtar nga Interpol Roma, pasi Gjykata e e Apelit Torino/Itali e ka dënuar me 5 vjet, 3 muaj e 7 ditë burg për veprat penale “Trafikimi i lëndëve narkotike” dhe “Falsifikimi i dokumenteve”, parashikuar nga Kodi Penal italian.’’, informon policia.
Operacioni u finalizua nga Seksioni për Hetimin e Narkotikëve, në bashkëpunim me Interpol Tirana.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
