Irani ka reaguar në lidhje me dëbimin e dy diplomatëve, por për këtë vendim ai nuk fajëson drejtpërdrejt Shqipërinë. Shteti Iranian akuzon SHBA-në si përgjegjëse kryesore të marrjes së këtij vendimi nga ana e Shqipërisë. Vendi ynë shpalli non-grata dy diplomatët Iranianë nën akuzën se do kryenin veprime terroriste ndaj skuadrës së futbollit të Izraelit.
Zëdhënësi i Ministrisë së Jashtme të Iranit, Behram Kasimi, tha se : “Mendojmë se kjo iniciativë është bërë për të dëmtuar marrëdhëniet e mira të Iranit me Evropën. Shqipëria ra viktimë e skenarit të SHBA-ve, Izraelit dhe disa grupeve terroriste”. Kështu u shpreh Kasimi, duke folur për agjencinë zyrtare iraniane IRNA.
