Në prag të ndeshjes me Italinë ka folur edhe Elseid Hysaj, pasi ai luan në një ekip mjaft të fortë italian si Napoli dhe ka disa italianë në klub me të cilët do të përballet në Shkodër. Hysaj u shpreh se do të dëshironte ta fitonin ndeshjen dhe ta prisnin në Itali me shprehjen “Auguri”.
“Jemi shumë në formë dhe kemi një grup të mirë, me të cilin do të kërkojmë të marrin maksimumin në ndeshjen me Italinë. Ne zhvilluam një ndeshje mjaft të mirë me Spanjën pavarësisht rezultatit dhe të njëjtën gjë duhet të bëjmë edhe nesër. Nëse do vazhdojmë të luajmë si në pjesën e dytë me Spanjën, mendoj se do ti hapim shumë punë Italisë dhe ta mundim atë. Ne treguam se mund të kontrollojmë lojën dhe të godasim portën. Kur të kthehem në Itali dëshiroj të më presin mediat me një ‘Auguri’, kjo si shenjë e fitores që ne të marrim ndaj tyre. Do të kem përballë lojtarë që luaj në ekipin e Napolit dhe ata janë lojtarë me shumë kualitete.”
