Hysaj rinovon me Napolit, tashmë ndër më të paguarit

Pas një zhurme të madhe gjatë merkatos së verës, për shkak edhe të klauzolës që kishte lojtari ka ardhur edhe rinovimi i Elseid Hysajt me Napolit. Mbrojtësi shkodran ka firmosur deri në vitin 2023 me napolitanët dhe nuk do të ketë më klauzolë lirimi, po ashtu edhe rroga e tij është përmirësuar ndjeshëm.Krahasuar me kontratën e mëparshme, Hysaj, i cili merrte pak më shumë se 2 milionë euro në sezon, tashmë do të paguhet me 2.5 milionë euro në sezon. Ky rinovim ka ardhur për shkak të interesit të lartë që tregoi Chelsea për të nënshkruar me Hysajn, por edhe ekipe të tjera. Me 2.5 milionë euro në sezon, tashmë Elseid Hysaj bëhet ndër lojtarët më të paguar tek Napoli.