Lojtari i Kombëtares Kuqezi, Jahmir Hyka ka kërkuar ndjesë publike ndaj izraelitëve, pak ditë pas transferimit të tij në kampionatin izraelit.
Hyka ka mbështetur çështjen palestineze, ndërsa shpesh ka postuar edhe për gjendjen në Rripin e Gazës. Kjo duket se nuk u ka pëlqyer tifozëve të Makabi Netanjës, të cilët kanë reaguar kundër lojtarit.
I gjendur në këto rrethana, Hyka ka kërkuar ndjesë publike, teksa shkruan:
“Të dashur tifozë të Makabi Netanja
Do të dëshiroja të bëja diçka shumë të qartë. Unë nuk kam asgjë kundër Izraelit apo njerëzve të tij. Në fakt, në udhëtimet e mia të ndryshme në Izrael si pjesëtar i ekipit kombëtar, unë kam pasur eksperienca shumë të mira dhe ia kam kaluar shumë mirë në kohën e shkurtër që kam kaluar këtu. Unë jam kundër luftës she njerëzve të pafajshëm që vdesin nga të dy palët. Do të dëshiroja të kërkoja falje nëse fotot që kam postuar shumë vite më parë kanë ofenduar ndokënd, ai nuk ishte qëllimi im…
Në shtetin tim ne kemi shumë respekt për hebrenjtë dhe në Luftën e Dytë Botërore ne ndihmuam në shpëtimin e hebrenjve nga Holokausti. Unë jam shumë i entuziazmuar që do të jem në Izrael dhe të mësoj më shumë rreth vendit dhe sidomos të ndihmoj Makabi Netanja të arrijë objektivat e tij dhe të bëjë tifozët të lumtur. Unë uroj që të gjithë të bashkohemi. Para Netanja.”
